सं’झ रौंगली ते घट्ट ए दुआस मती ऐ-गीत-डोगरी कविता -पद्मा सचदेव-Hindi Poetry-हिंदी कविता -Hindi Poem | Hindi Kavita Padma Sachdev

सं’झ रौंगली ते घट्ट ए दुआस मती ऐ-गीत-डोगरी कविता -पद्मा सचदेव-Hindi Poetry-हिंदी कविता -Hindi Poem | Hindi Kavita Padma Sachdev

सं’झ रौंगली ते घट्ट ए दुआस मती ऐ

पानी तविआ च घट्ट ए पयास मती ऐ

लालगी शमान दी ए खून बेजबान दा,
गास्सै दे पोआर कोई छाननी ए छानदा
जानदा नीं कोई इत्थें बुझदा नीं कोई,
गास्सा चाननी ते घट्ट ए भड़ास मती ऐ
सं’झ रौंगली ते घट्ट ए…..॥

मन्दरै दे बन्द भित्त खोल्हदा पजारी ऐ,
ठौगरें दी चौक्कीयै र न्हेर ऐ गबारी ऐ,
धौफ-बत्ती बालदी कुसारी इक कंजक,
लोअ उज्जली ते घट्ट ए नरास मती ऐ।
सं’झ रौंगली ते घट्ट ए……..॥

ठंडी-ठीरी नारै आ्हगूं जंमूए दी रात ओ,
चम्बे ते चमेलीयै च नित्त-नमीं बात ओ,
चन्न अज पीला ऐ दुआस इहदी चाननी,
पीड़ कालजै च घट्ट ऐ खराश मती ऐ।
सं’झ रौंगली ते घट्ट ए……..॥

 

This Post Has One Comment

Leave a Reply