धन्न जिगरे मावें दे सहुरे भेजियां जाईआं-गीत-डोगरी कविता -पद्मा सचदेव-Hindi Poetry-हिंदी कविता -Hindi Poem | Hindi Kavita Padma Sachdev

धन्न जिगरे मावें दे सहुरे भेजियां जाईआं,
इह लटबांवरियां धियां सुख भोगन साईआं।

थम्मी नै टंगी दी रेही बंगें दी जोड़ी,
सूही परांदी पड़छत्ती दे उप्पर छोड़ी।
अद्धे गुलुबन्दै इच खोभी गेयी सलाईआं,
इह लटबांवरियां……।

सुखै दी ठंडी ब्हाय आवै जे औन सुनेहड़े,
लंमे होन पसार ते खुल्ले-डुल्ले बेहड़े।
गोद भरै करतार तां कूंजां गान बेहाईआं,
इह लटबांवरियां…..।

हुकम होए हासल ते टब्बर सोह नेईं खन्दा,
घोट्टी रक्खना खीसे इच माऊ दा मन्दा।
अक्ख भरै नेईं बाबल जी दियां चिट्ठियां आईआं,
इह लटबांवरियां…..।

फुल्लें आंगर खिड़ना, कशबोयी गी बंडना,
फट्टे दा टल्लू सीना, त्रुट्टे दा गंढना।
चम्बे दी डाल्ही कशबोईआं होन सुआईआं,
इह लटबांवरियां………।